活動與資訊 > 正向加油站 > 【虎父無犬子】 觀塘35年蛇羹店 彪哥贏在起跑線?
【虎父無犬子】 觀塘35年蛇羹店 彪哥贏在起跑線?
虎父,無犬子,是幾十年結的果,也是人父許的願。「我唔係蛇王彪,我亦唔係彪哥。」蛇王彪於1982年在觀塘開業,老闆叫李棠,是「彪哥老竇」。其時兒子李俊彪才滿月,篤信風水測字的他,認為用「彪」字做店名必定成功。「小六時就有同學話:『嘩!你嘅,間鋪?蛇王彪呀!』我覺得由細到大,佢畀咗個鑊我揹,因為細細個已經刻咗個名上去,走唔到。」
36歲的阿彪與店同齡,自小食蛇羹、蛇碌,爸爸更帶一籠蛇回家當寵物,養在空置的狗屋。「蛇雖然剝咗牙,你大力揑佢佢會咬你,我被咬過,覺得不痛,慢慢就唔怕。」玩蛇之餘,他也到工場幫手切藥材浸蛇酒。不過,他沒想過繼承父業,爸爸也允他自由發揮。只是沙士來襲,父子都措手不及。「非典由果子狸產生,我專賣果子狸,公司面臨結束,夥計無糧出。」當年賣野味,李棠重重受擊,連正在加拿大讀經濟二年班的阿彪也無錢交學費,被召回來幫手。
04年李棠信了耶穌,「蛇王彪」改名「彪哥」,專營健康食療和湯水,「是教會弟兄獻策,叫『彪哥』即係阿彪大個仔喇!」新名新菜式,生意果然反彈。大個仔的阿彪先做樓面,後入廚房跟爸爸學師,由洗切開始。父子不時鬧意見,有次阿彪直躲到後欄哭起來,「嗰時由讀書起都無出來社會經歷過任何嘢,一入去就軍訓咁去學,壓力一下子就爆咗。不過,我只係走咗出去,飲枝汽水休息一陣又做過。」沒幾年爸爸因中風慢慢隱退,阿彪卻未到火候,廚師不停流轉,菜館再遭滑鐵盧。「可以掌握到整個廚房,其實是三年間突飛猛進:朝早九點開始返,晏晝落場一個鐘或半個鐘就做到夜晚三點。」日做夜做,他漸漸摸出「死因」,加上不時在樓面招呼客人,了解客人的口味,與廚藝鑽研相得益彰。
五年前阿彪全面統軍,接手菜館。年屆73的李棠呷一口茶,笑咪咪說:「我由03年開始就去參賽『美食大賞』,連續3年都拿獎。最近,阿仔最難得係無走我嘅路線去參賽,結果佢都拿到獎,全部係佢嘅廚藝,佢新嘅思維。」「蛇王彪」改名突破重生,阿彪背上的「一隻鑊」也演變為紮根「基地」,他日外闖,「點樣衰都有屋企返。」
資料來源: 《飲食男女》網站:http://etw.hk