守承諾「重返」監獄做義工

2009年出獄當天，Madam送別劉鳳茵時說：「Bye bye！」劉說：「再見！」Madam聽罷立即喝道：「我哋唔再見㗎，出咗去唔好再返入嚟！」「唔係呀，我要再返入嚟。」劉堅定地回應。更生人士出獄後三年可回到監獄做義工，劉鳳茵信守承諾，三年過後即以另一身份重回監獄，以自身經歷鼓勵同路人。

相關新聞：更生人士就業難　被嘲一世監躉

努力重建家人信任

除守諾言回監獄當義工，劉鳳茵出獄後亦以行動彌補對家人的虧欠。2003年兒子誕生後幾個月，劉就開始進出麻雀館，幾年間近乎沒有盡母親責任照顧兒子。劉鳳茵指最心酸是兒子小時候曾經跟別人說：「我冇媽咪㗎。」後來劉被揭發事件及入獄，家人只對兒子謊稱劉到外地公幹。直到兒子10歲，劉鳳茵終鼓起勇氣，親自告知事實，「我希望由我講畀佢知我坐監，而唔係佢喺其他人口中聽到」。兒子不但沒有崩潰，且反應正面，令劉鳳茵大感安慰，「以前我冇喺屋企食飯，𠵱家我日日都喺屋企食飯，個仔成個小學階段我都陪住佢」。

她以行動重新建立家人信心，「家人最怕賭徒失蹤，好難要人第一日接納你，所以呢九年間做番好自己，佢哋好信任我，就算呢幾個鐘頭出咗嚟做訪問，佢哋都唔擔心」。劉鳳茵亦感恩丈夫一直以來陪伴，當年為了還債，她甚至將結婚戒指賣掉。去年適逢結婚20周年，劉鳳茵決定重新買一對結婚戒指，重圓10年前的失落。